قبل ما نشوف المقطع , عاوز أسئل إيه الفرق بين الرخم و الغتت الأجابة على هذا السؤال في القصة التالية , يحكى أنه تم إقامة مسابقة بين أرخم شخص و أغتت شخص للتصفية النهائية و كانت المسابقة مقامة على أحد المسارح الكبرى و حضرها جمهور كبير , جاء الرخم و قال هاتولي تليفون , إتصل بنمرة في التليفون و قال للي رد عليه مساء الخير الأستاذ مدحت موجود قاله اسفين جدا النمرة غلط , إتصل تاني بنفس النمرة و قال لو سمحت إندهلي مدحت بسرعة قال له يا سيدي قولتلك محدش هنا اسمه مدحت و قفل السكة إتصل بنفس النمرة للمرة الثالثة و قال ايه يا عم مدحت انا بدور عليك من ساعتها رد عليه بزعيق و قاله قولتلك أنا مش مدحت و محدش هنا اسمه مدحت , دا أنت رخم
صفق الجمهور كثيرا ثم جاء دور الغتت
قال لهم هاتولي نفس التليفون و طلب نفس النمرة و قال للي رد عليه أنا مدحت حد سأل عليا؟؟؟؟؟
شوف المقطع و الاخ الرخم ده
ليست هناك تعليقات:
إرسال تعليق