إعلانات مصرية قديمة : 1985

ياااااه فاكرين الأعلانات دي , من زمااان , أيام زمان أيام لما ماكانش فيه غير القناة الأولى و القناة الثانية و ماكانش فيه لا انترنت و لا دش و لا موبايل , المقطع ده لفاصل إعلاني فيه مجموعة من الأعلانات سنة 1985 , الأعلان الأول ل محمد رضا و عبد السلام محمد الله يرحمهم كانوا عاملين سلسلة أعلانات للتوعية ضد البلهارسيا و كان محمد رضا له كلمة شهيرة في أخر الأعلان بيقول فيها (طول ما نيدي ضهرنا للترعة , عمر البلهاريسيا في جتتنا ما ترعى) , الأعلان الثاني كان عن لبان بم بم أنا مش عارف اللبان ده مازال يباع حتى الأن و لا لأ , أنا فاكر أنه كان في الثمانينيات كان بيعمل أعلانات كتير جدا و كان بيعمل مسابقات و أعتقد أنه من أوائل السلع اللي كانت بتعمل مسابقات و جوايز , ظاهر في الأعلان الجوايز الفظيعة اللي كان بيقدمها , زي التلفزيونات اللي كانت من غير ريموت و العربية ال 128 الفظيعة
و أعلانات أخرى لشركات و محلات في بعض المحافظات
و الله كانت ايام حلوه رغم انها كانت بدون دش و لا موبايل و لا انترنت